نیویارک(شوریٰ نیوز)امریکا کے سابق صدر ڈونلڈ ٹرمپ کو 37 الزامات کا سامنا ،سابق امریکی صدر کے خلاف49 صفحات پر مشتمل فردجرم کی تفصیلات سامنے آگئیں، ڈونلڈ ٹرمپ کو جوہری پروگرام سے متعلق معلومات غیرقانونی طریقے سے حاصل کرنے،جاسوسی، خفیہ دستاویزات کی مس ہینڈلنگ اور دیگر الزامات کا سامنا ہے۔ ، مبینہ طورپر غیرقانونی طور پر قبضہ میں رکھی گئی دستاویز میں ایٹمی پروگرام، حملوں کی منصوبہ بندی سے متعلق بھی معلومات تھیں۔ فوجی حملہ ہونے کی صورت میں امریکا کے کمزوریوں کی اہم باتیں بھی فائلوں میں موجود تھیں۔ڈونلڈ ٹرمپ پر تمام الزامات ثابت ہوجاتے ہیں تو انہیں مجموعی طور پر 100 سال قید ہو سکتی ہے۔سابق امریکی صدر ڈونلڈ ٹرمپ پر دوسری بار فرد جرم عائدسابق امریکی صدر ٹرمپ پر خفیہ دستاویزات کیس میں گزشتہ روز دوبارہ فرد جرم عائد کی گئی تھی۔پراسیکیوٹر جیک اسمتھ کا کہنا ہے کہ قانون کی نظر میں سب برابر ہیں، ٹرمپ دستاویزات کیس کا اسپیڈی ٹرائل ہونا چاہیے۔