7 اکتوبر سےحماس اور صیہونی حکومت کے درمیان جاری جنگ میں ہونے والی زیادتیوں سے متعلق جاری رپورٹ پر اقوام متحدہ کے تفتیش کار کرس سیڈوٹی نےکہا کہ صیہونی وزیر اعظم نیتن یاہو دہراتے رہتے ہیں کہ صیہونی فوج دنیا کی سب سے زیادہ اخلاقی فوج ہے۔
انہوں نے کہا کہ میرے پاس اخلاقیات کا اندازہ لگانے کی مہارت اور اختیار نہیں ہے، ہوسکتا ہے کہ نیتن یاہوکے پاس ہولیکن میرے پاس مجرمانہ طرز عمل کا اندازہ لگانے کی مہارت اور اختیار ہے جس کا استعمال حالیہ واقعات کے تناظر میں ایک رپورٹ میں کیا ہے۔
کرس سیڈوٹی کا کہنا تھا کہ پیش کی گئی رپورٹ سے آپ ایک ہی نتیجہ اخذ کر سکتے ہیں کہ صیہونی حکومت دنیا کی سب سے زیادہ مجرمانہ فوج ہے لیکن اخلاقیات کا تعین کرنے کا معاملہ میں نیتن یاہو پر چھوڑتا ہوں۔