فیس بک نے بنگلادیش کی حکمران جماعت عوامی لیگ کے متعدد اکاؤنٹس ختم کر دیے۔
غیر ملکی خبر رساں ایجنسی کے مطابق میٹا کا کہنا ہے کہ عوامی لیگ کے متعدد اکاؤنٹس اور پیج فیس بک سے ہٹا دیے گئے ہیں۔
میٹا کا کہنا ہے کہ اکاؤنٹس، پیجز کو مربوط غیر مستند رویے بشمول اپوزیشن پر تنقید کے باعث ہٹایا گیا، ہماری پالیسی کی خلاف ورزی پر عوامی لیگ کے 50 اکاؤنٹس، 98 پیجز کو ہٹایا گیا ہے۔
میٹا کے مطابق ان اکاؤنٹس سے انتخابات سے متعلق اور اپوزیشن پر تنقیدی رپورٹس پوسٹ کی گئیں۔
واضح رہے کہ بنگلادیش میں جنوری میں ہونے والے انتخابات میں عوامی لیگ اتحاد نے فتح حاصل کی تھی، بنگلادیش کے عام انتخابات کا اپوزیشن نے بائیکاٹ کیا تھا۔
انتخابات جیتنے کے بعد بنگلادیشی وزیراعظم حسینہ واجد نے چوتھی بار وزارت عظمیٰ کا عہدہ سنبھالا ہے۔