عالمی عدالت انصاف نے صیہونی حکومت کی جانب سے غزہ میں نسل کشی کی حمایت پر جرمنی کے خلاف نکاراگوا کی درخواست پر جرمنی کے حق میں فیصلہ سنا دیا۔
نکارگوا کی درخواست میں کہا گیا تھا کہ جرمنی، صیہونی حکومت کو اسلحہ فراہم کرکے 1948 کے نسل کشی کنونشن کی خلاف ورزی کر رہا ہے۔
درخواست میں یہ بھی مطالبہ کیا گیا تھا کہ صیہونی حکومت کو پہلے سے بھیجے گئے ہتھیار انسانی حقوق خلاف ورزیوں میں استعمال نہ ہونے کو یقینی بنایا جائے۔
غزہ میں نسل کشی کرنے پر جنوبی افریقا بھی عالمی عدالت انصاف میں صیہونی حکومت کے خلاف مقدمہ کر چکا ہے جس کے ابتدائی فیصلے میں عالمی عدالت نے صیہونی حکومت کو پابند کیا تھا کہ غزہ میں نسل کشی کے زمرے میں آنے والا کوئی بھی اقدام نہ کیا جائے۔
عدالت نے صیہونی حکومت کو ہتھیاروں کی فراہمی روکنے کے لیے جرمنی کے خلاف ہنگامی اقدامات کرنے کی نکارگوا کی درخواست مسترد کر دی۔
عالمی عدالت نے مقدمہ خارج کرنے کی جرمنی کی درخواست بھی رد کردی۔