صیہونی فوج نے غزہ پر حملے کرکے مزید 40 فلسطینیوں کو شہید کردیا۔
غیر ملکی خبر رساں ادارے کے مطابق صیہونی حملوں کے دوران صرف رفح میں25 شہری جب کہ صیہونی فوج کے حملوں میں مجموعی طور پر 40 فلسطینی شہید ہوئے۔
دوسری جانب غزہ میں جنگ بندی معاہدے کی کوششیں جاری ہیں جس کیلئے صیہونی حکومت نےحماس کو غزہ میں 40 روز کی جنگ بندی کی پیشکش کی ہے۔
اس دوران امریکی صدر جوبائیڈن نے امیر قطر اور مصر کے صدر سے ٹیلی فونک رابطے کیے جس دوران غزہ جنگ بندی، رفح میں صیہونی فوجی کارروائی کے خطرات اور یرغمالیوں سے متعلق گفتگو کی گئی۔
وائٹ ہاؤس کا کہناہے کہ ذمہ داری حماس پر ہے کہ وہ صیہونی حکومت کی تجاویز قبول کرے۔
اس حوالے سے گفتگو کرتے ہوئے ترجمان حماس نے کہاکہ مذاکرات میں پیش رفت کےلیے مستقل جنگ بندی لازمی بنیاد ہے، ہم جنگ بندی، غزہ سے صیہونی افواج کا انخلاء اور بے گھر فلسطینیوں کی اُن کے گھروں کو واپسی چاہتے ہیں۔