حماس رہنما اُسامہ حمدان کا کہنا ہے کہ صیہونی حکومت غزہ میں مکمل جنگ بندی نہیں چاہتا۔
غزہ میں جنگ بندی معاہدے کے لیے صیہونی تجاویز پر حماس رہنما اُسامہ حمدان کا کہنا ہے کہ صیہونی تجاویز میں دو اہم مسائل پر مسلسل اصرار کیا جارہا ہے۔
ان کا کہنا ہے کہ صیہونی حکومت غزہ میں مکمل جنگ بندی نہیں چاہتا اور غزہ سے انخلا کے بارے میں سنجیدگی سے بات نہیں کر رہا، صیہونی حکومت غزہ پر تسلط برقرار رکھنا چاہتا ہے۔
اسامہ حمدان نے کہا کہ ثالث کاروں سے ہمارے سنجیدہ سوالات ہیں جن کا مثبت جواب ملا تو آگے بڑھ سکتے ہیں۔
اسامہ حمدان نے امریکی وزیر خارجہ کے بیان پر کہا کہ فلسطینیوں کے خلاف حملے روکنا فراخ دلی نہیں ہے، حملے بذات خود ایک جرم ہیں اور جرم کرنا بند کیا جائے تو اسے صیہونی حکومت کی فراخ دلی نہیں کہا جاسکتا۔
امریکی وزیر خارجہ انٹونی بلنکن نے ریاض میں عالمی اقتصادی فورم کے مباحثے میں کہا تھا کہ صیہونی حکومت نے حماس کو بےحد غیرمعمولی اور فراخدلانہ تجاویز دی ہیں۔