عالمی عدالت انصاف کی جانب سے صیہونی وزیراعظم بن یامین نیتن یاہو، آرمی چیف ہرزی حلیوی اور وزیر دفاع یواف گیلنٹ کے وارنٹ گرفتاری جاری ہونے کا امکان ہے۔
صیہونی میڈیا کے مطابق صیہونی حکومت کو اعلیٰ قانونی عہدیداروں کی طرف سے وارنٹ گرفتاری جاری ہونے کے اشارے مل گئے ہیں۔
عالمی عدالتِ انصاف میں غزہ اور مغربی کنارے میں صیہونی جارحیت کی تحقیقات جاری ہیں۔
عالمی عدالت انصاف کا پراسیکیوٹر صیہونی وزیراعظم نیتن یاہو، صیہونی وزیر دفاع یواف گیلنٹ اور صیہونی آرمی چیف ہرزی حلیوی کے وارنٹ گرفتاری رواں ہفتے جاری کرنے پر غور کر رہا ہے۔
صیہونی میڈیا کا یہ بھی کہنا ہے کہ وارنٹ گرفتاری کی اطلاعات پر وزیراعظم نیتن یاہو خوفزدہ اور غیرمعمولی دباؤ کا شکار ہیں۔
صیہونی وزیر خارجہ نے کہاکہ صیہونی حکومت کواپنے دفاع سے روکنا کھلے عام صیہونی حکومت کی تباہی کا مطالبہ ہے، صیہونی قیادت کےوارنٹ جاری ہونےسے صیہونی فوجیوں کو نقصان پہنچےگا۔
صیہونی وزیر خارجہ نے الزام لگایا کہ حماس غزہ کی آبادی کو انسانی ڈھال کے طور پر استعمال کررہا ہے۔