غزہ میں محفوظ قرار دیےگئے علاقے بھی صیہونی فوج کے وحشیانہ حملوں سے محفوظ نہیں ہیں۔
امریکی میڈیا کی رپورٹ میں بھی صیہونی جنگی جرائم کی تصدیق ہوئی ہے۔
امریکا کے این بی سی نیوز کی تحقیقاتی رپورٹ کے مطابق صیہونی فوج شہریوں کو محفوظ علاقوں کا بتا کر وہاں جانےکا کہتی ہے اور پھر سیف زون میں بھی بم برسا دیتی ہے۔
رپورٹ کے مطابق ساڑھے 10 لاکھ سے زیادہ فلسطینیوں کی پناہ گاہ رفح اور المواسی زون میں کیے گئے صیہونی حملوں میں سیکڑوں فلسطینی شہید ہوچکے ہیں۔
صیہونی فوج کے غزہ میں جنگی جرائم مسلسل بڑھتے ہیں جارہے ہیں۔
صیہونی فوج نے فلسطینیوں کو صاف پانی سے بھی محروم کر دیا ہے اور غزہ کے واٹر فلٹر پلانٹس میں کلورین استعمال کرنے پر پابندی لگا دی ہے۔
بریج، نصیرات پناہ گزین کیمپوں اور رفح میں بمباری، کل سے اب تک مزید 40 سے زیادہ فلسطینی شہید ہوچکے ہیں۔
اقوام متحدہ ایجنسی کے مطابق غزہ میں صرف تباہ شدہ عمارتوں کا ملبہ ہٹانے میں 14 سال لگیں گے۔
یو این مائن ایکشن سروس کا کہنا ہے کہ غزہ میں 4 لاکھ ٰعمارتوں کا 3 کروڑ 70 لاکھ ٹن ملبہ ہے، غزہ میں 4 لاکھ عمارتیں تباہ ہوئی ہیں، تباہ شدہ عمارتوں کا ملبہ ہٹانے میں 14 سال لگ سکتے ہیں۔