صیہونی فوج کی جانب سے دیر البلح میں صبح سے گولا باری کا سلسلہ جاری ہے۔
غیر ملکی میڈیا کے مطابق صیہونی فوج نے اپنی جارحیت کو برقرار رکھتے ہوئے ناصر اسپتال پر شیلنگ کردی جب کہ ایندھن اور طبی سامان کی عدم دستیابی کے سبب شمالی غزہ کا آخری فعال اسپتال بھی بند ہوگیا۔
اس کے علاوہ صیہونی حکومت نے بمباری کے بعد قحط کے ذریعے بھی فلسطینیوں کی نسل کشی کی سازش جاری رکھی ہوئی ہے۔
ادھر اقوام متحدہ کے حکام کا کہنا ہے کہ 6 لاکھ فلسطینی قحط کے دہانے پر ہیں، 30 ہزار فلسطینیوں کو شہید کرنے کے بعد صیہونی فوج نے اپنے بیان میں کہا کہ صیہونی حکومت غزہ کے لوگوں سے نہیں حماس سے لڑ رہا ہے۔
دوسری جانب حماس رہنما اسماعیل ہنیہ کا کہنا ہے صیہونی حکومت سے بات چیت میں نرمی کے ساتھ جنگ کے لیے بھی پوری طرح تیار ہیں۔