واشنگٹن: امریکی صدر جو بائیڈن نے کہا ہےکہ سعودی عرب صیہونی حکومت کو تسلیم کرنے کو تیار ہے۔
ایک انٹرویو کے دوران بائیڈن نے کہا کہ وہ قطر سمیت 6 عرب ملکوں سے رابطے میں ہیں۔
انہوں نے کہا کہ غزہ میں جنگ بندی سے ہمیں اس سمت میں آگے بڑھنے کا موقع ملے گا جس کے لیے بہت سے عرب ملک تیار ہیں۔
امریکی صدر کا کہنا تھا کہ صیہونی حکومت کا وجود برقرار رکھنے کے لیے دو ریاستی حل ضروری ہے، صیہونی حکومت نے رفح میں فلسطینیوں کی جانوں کا تحفظ یقینی نہ بنایا تو عالمی حمایت کھو دے گا۔