انسٹی ٹیوٹ فار اسٹیڈی آف وار، دی کریٹیکل تھریٹس پروجیکٹ کی رپورٹ کے مطابق فلسطینی گروپوں نے الشاطی پناہ گزین کیمپ کے قریب صیہونی فوجیوں پر ایک بڑا حملہ کیا۔
فلسطینی مزاحمت کاروں نے صیہونی ڈرون مار گرانے کا دعویٰ بھی کیا، فلسطینی مزاحمت کاروں نے شیخ عجلین محلے میں صیہونی آرمی پر ٹینک شکن راکٹ فائر کیے۔
صیہونی فوج اور فلسطینی مزاحمت کاروں کے درمیان خان یونس کے ارد گرد بھی شدید زمینی لڑائی جاری ہے،صیہونی فوج کے مطابق غزہ میں زمینی آپریشن کے آغاز سے اب تک 175 صیہونی فوجی ہلاک ہو چکے ہیں ۔
حماس رہنماؤں کا کہنا ہے کہ مکمل جنگ بندی تک اسرائیل سے قیدیوں کی رہائی پر کسی قسم کے مذاکرات نہیں ہوں گے۔