جاپان: پارلیمانی انتخابات میں حکمران جماعت نے اکثریت حاصل کرلی

جاپان کے پارلیمانی انتخابات کے نتائج کے مطابق حکمران اتحاد نے پارلیمان کے ایوان بالا میں اکثریت حاصل کر لی ہے۔

جاپان کے آنجہانی سابق وزیراعظم شینزو آبے کی لبرل ڈیموکریٹک پارٹی نے اتوار کے روز ہونے والی پارلیمانی ووٹنگ میں مکمل اکثریت حاصل کر لی ہے۔

مقامی میڈیا رپورٹس کے مطابق، حکمراں جماعت ایل ڈی پی نے ایوان بالا کی 125 نشستوں میں سے نصف سے زیادہ، 63 نشستیں حاصل کر لی ہیں۔

حکمران قدامت پسند بلاک میں ایل ڈی پی کی اتحادی جماعت کومیتو بھی شامل ہے اور اب دونوں کی ملا کر اسمبلی میں 75 نشستیں ہو گئی ہیں۔

واضح رہے کہ شینزو آبے کے قتل کے بعد ایل ڈی پی کو اپنی حمایت میں اضافے کی توقع تھی۔ گزشتہ ہفتے ہی رائے عامہ کے جائزوں سے معلوم ہوا تھا کہ ایل ڈی پی اکثریت کے لیے لازمی نصف نشستوں سے بھی کم سیٹوں پر جیت رہی ہے تاہم اس کے بعد ایک تازہ ترین پولز نے یہ پیش گوئی کی کہ اتوار کے روز ہونے والے ووٹ سے فومیو کشیدا کی اقتدار پر گرفت اور مضبوط ہو جائے گی۔

کامیابی کے باوجود قدامت پسند وزیر اعظم کو بڑھتی ہوئی قیمتوں اور توانائی کی قلت جیسے مسائل کا سامنا کرنا پڑے گا۔ موسم گرما کی ابتدائی دنوں میں گرمی کی شدید لہر نے بجلی کے بحران کو پہلے کھڑا کر دیا ہے۔

دوسری جانب گزشتہ ہفتے سابق وزیر اعظم شینزو آبے کو انتخابی مہم کے دوران ہلاکت کے حوالے سے جاپانی حکام نے مہم کے دوران ان کی سکیورٹی اور حفاظتی اقدامات میں دشواریوں کا اعتراف کیا ہے۔