فلسطین کی مزاحمتی تنظیم حماس کے عسکری ونگ القسام بریگیڈز نےغزہ میں صیہونی ٹینکوں کوتباہ کرنے کی نئی ویڈیو جاری کر دی۔
صیہونی افواج کی جانب سے غزہ میں مسلسل عالمی قوانین اور انسانی حقوق کی خلاف ورزیوں کا سلسلہ جاری ہے، صیہونی افواج عام شہریوں اور طبی مراکز کو نشانہ بنارہی ہے۔
تاہم صیہونی فوج کو القسام بریگیڈز کی جانب سے سخت مزاحمت کا بھی سامنا ہے۔
القسام بریگیڈز نے صیہونی فوج پر حملوں کی نئی ویڈیو جاری کردی ہے جس میں القسام کے جنگجوؤں کو صیہونی ٹینکوں اور فوجیوں پر حملہ کرتے دیکھا جاسکتا ہے۔
فلسطینی میڈیا کے مطابق ویڈیو میں صیہونی ٹینکوں کو انتہائی قریب سے راکٹ کا نشانہ بنا گیا، حملے کے بعد صیہونی ٹینکوں میں آگ لگ گئی۔
واضح رہے کہ صیہونی فوج کے غزہ میں وحشیانہ حملے جاری ہیں،7 اکتوبر سے اب تک صیہونی حکومت کے حملوں میں 10 خواتین صحافیوں سمیت 86 میڈیا ورکر شہید ہوچکے ہیں۔
گزشتہ 24 گھنٹوں میں ہونے والے حملوں میں مزید 200 سے زائد فلسطینی شہید ہوگئے۔
7 اکتوبر سے اب تک 18 ہزار 200 سے زیادہ فلسطینی شہید اور 50 ہزار زخمی ہوچکے ہیں۔
صیہونی فوج نے آج شمالی غزہ اور خان یونس کے اسپتالوں کے ارگرد بھی بمباری کی، شمالی غزہ کے رہائشیوں کو دوبارہ انخلا کا حکم دے دیا۔