سابق صیہونی وزیراعظم ایہود اولمرٹ نے صیہونی وزیراعظم بنیامین نیتن یاہو کو دہشتگرد قرار دے دیا۔
ایہود اولمرٹ نے صیہونی حکومت میں سب کے سامنے صیہونی وزیراعظم اور حکومت میں موجود ان کے دوستوں پر تنقید کی اور کہا کہ نیتن یاہو اور ان کے حواری صیہونی حکومت کے دشمن ہیں، قاتل ہیں اور دہشتگرد ہیں۔
یاد رہے کہ ایہود اولمرٹ اس سے قبل بھی صیہونی وزیراعظم نیتن یاہو کو تنقید کا نشانہ بنا چکے ہیں۔
ایہود اولمرٹ نے 7 اکتوبر کے حماس کے حملے کو صیہونی وزیراعظم بنیامین نیتن یاہو کی ناکامی قرار دیتے ہوئے کہا تھا کہ صیہونی وزیراعظم اپنی ناکامی چھپانے کے لیے دوسروں کو مورد الزام ٹھہرا رہے ہیں۔
صیہونی وزیراعظم نیتن یاہو نے حال ہی میں ایک بیان بھی دیا کہ حزب اللہ کے حملے بند نہ ہوئے تو لبنان کو بھی غزہ بنا دیں گے۔
صیہونی حکومت نے 7 اکتوبر سے اب تک غزہ پر 10 ہزار سے زائد حملے کیے جس میں 17 ہزار 700 سے زائد فلسطینی شہید اور 43 ہزار سے زائد زخمی ہو چکے ہیں جبکہ غزہ کی تقریباً 60 فیصد عمارتیں تباہ ہو چکی ہیں اور غذائی قلت، ادویات کی کمی اور سرد موسم کے باعث غزہ میں وبائی امراض بھی پھوٹنے کا خدشہ ہے۔