صیہونی حکومت یرغمالیوں کی رہائی کے باوجود اپنی بربریت سے باز نہ آیا اور مغربی کنارے میں اپنے حملے جاری رکھے ہوئے ہے۔
گزشتہ روز معاہدے کے مطابق یرغمالیوں کو رہا کرتے ہوئے غزہ میں جنگ بندی کی گئی۔
حماس کی جانب سے 20 یرغمالیوں کی رہائی کے بدلے صیہونی حکومت نے جنگ بندی ڈیل کے تحت 39 فلسطینی قیدیوں کو رہا کیا تاہم دوسری جانب صیہونی حکومت نے مغربی کنارے کے کیمپ جنین پر حملہ کرتے ہوئے 4 فلسطینیوں کو شہید کردیا۔
بتایا جارہا ہے کہ گھر کے باہر کھڑے 25 سال کے فلسطینی ڈاکٹر کو بھی گولی مار کر شہید کردیا گیا جبکہ رام اللہ میں بھی ایک فلسطینی شہید کیا گیا۔
مغربی کنارے میں 7 اکتوبر سے اب تک 52 بچوں سمیت 229 فلسطینی شہید کیے جا چکے ہیں۔
اس کے علاوہ صیہونی فوج نے رفح اور خان یونس سے شمالی غزہ واپس جانے والے فلسطینی شہریوں پر بھی فائرنگ کی جس کے نتیجے میں 2 افراد شہید اور 11 زخمی ہوئے۔