شام میں پھنسے پاکستانیوں کی فوری وطن واپسی یقینی بنانے کی ہدایت شام میں پھنسے پاکستانیوں کی فوری وطن واپسی یقینی بنانے کی ہدایت

وزیر خارجہ بلاول بھٹو زرداری نے شام میں فلائٹ آپریشن معطلی کے باعث پھنسے پاکستانیوں کی فوری واپسی کیلئے انتظامات کی ہدایت کردی۔ تفصیلات کے مطابق اسرائیلی حملوں سے شام کے دارالحکومت دمشق کے ایئرپورٹ کو شدید نقصان پہنچا ہے جس کے باعث فلائٹ آپریشن معطل ہوگیا ہے، جس کے سبب شام میں زیارتوں کیلئے گئے 160 پاکستانی بھی محصور ہوگئے ہیں۔ پاکستانیوں کے محصور ہونے کی اطلاعات پر وزیر خارجہ بلاول بھٹو نے پاکستانیوں کی فوری وطن واپسی یقینی بنانے کی ہدایت کردی ہے۔

دوسری جانب شام میں قائم پاکستانی سفارتخانہ کا کہنا ہے کہ پھنسے تمام پاکستانیوں سے مسلسل رابطے میں ہے، تمام پاکستانیوں کی وطن واپسی کے انتظامات جلد مکمل کئے جائیں گے۔ خیال رہے کہ اسرائیل نے شام میں مختلف مقامات پر فضائی حملے کئے ہیں، اس دوران دمشق ائیرپورٹ پر کئے گئے فضائی حملہ میں ٹرمنل کی ایک عمارت تباہ ہوگئی۔ اسرائیلی فضائی حملے کے باعث دمشق ائیرپورٹ پر فلائٹ آپریشن بری طرح متاثر ہوا اور متعدد مقامی و بین الاقوامی پروازیں منسوخ ہوگئیں۔