امریکی فوج کا ایف-18 ہورنٹ طیارہ سان ڈیاگو میں میرین کور ایئر اسٹیشن کے قریب گر کر تباہ ہوگیا جس کے نتیجے میں پائلٹ ہلاک ہوگیا ہے۔
امریکی فوج کا لڑاکا طیارہ ہائی وے کے قریب ایک سرکاری اراضی پر گر کر تباہ ہوا۔ یہ طیارہ امریکی بحریہ کے زیر استعمال تھا اور معمول کی پرواز پر تھا۔
طیارے کے کنٹرول ٹاور سے رابطہ منتقل ہونے پر افسران کی دوڑیں لگ گئیں۔ ایک ہیلی کاپٹر اور جہاز کو ریسکیو آپریشن کے لیے بھیجا گیا جنھیں طیارے کا ملبہ مل گیا۔
امریکی کوسٹ گارڈ اور سان ڈیاگو فائر ریسکیو ڈیپارٹمنٹ کی جانب سے ایک گھنٹے طویل تلاش کے بعد پائلٹ کی لاش ملی۔ امریکی میرین کور نے کہا کہ پائلٹ حادثے کی جگہ پر مردہ پایا گیا۔
طیارے میں صرف پائلٹ موجود تھا۔ طیارہ زمین سے ٹکرانے کے بعد ملبے کا ڈھیر بن گیا۔ طیارے کا تباہ ہونا ایک حادثہ ہے جس میں دہشت گردی کے عنصر کے ملوث ہونے کے کوئی شواہد نہیں ملے۔
بیان میں یہ وضاحت بھی دی گئی ہے کہ طیارے نے میرین کور ایئر اسٹیشن سے پرواز نہیں بھری تھی اور نہ ہی یہ میرین ایئرکرافٹ ونگ کا حصہ تھا۔