ڈونلڈ ٹرمپ نے 2020 کے صدارتی انتخابات میں جارجیا کے انتخابی نتائج کو بدلنے کی کوشش کے کیس میں گرفتاری دی، جس کے بعد انہیں ضمانت پر رہا کر دیا گیا۔
ٹرمپ کو 2 لاکھ ڈالر کے مچلکے جمع کروانے پر رہائی ملی،مقدمےمیں گرفتاری دینے کے لیے سابق امریکی صدر جمعرات کی شام اٹلانٹا کی فلٹن کاؤنٹی جیل پہنچے۔
فلٹن جیل میں صدر ٹرمپ کی قیدیوں کے لباس میں تصاویر بنائی گئیں ۔ امریکا کی تاریخ میں کسی سابق صدر کی جیل میں تصاویر جن کو ’مگ شاٹ ‘ کہا جاتا ہے بنوانے کا یہ پہلا موقع ہے۔
پچھلے پانچ مہینوں میں چوتھی بار صدر ٹرمپ کو گرفتارکیا گیا اور ان کے خلاف باضابطہ طور پر کرمنل مقدمہ چلایا گیا۔
امریکا کی تاریخ میں کسی بھی سابق صدر پر فوجداری جرائم کا الزام نہیں لگا تاہم ٹرمپ چار مختلف مقدمات کا سامنا کر رہے ہیں اور ان پر مجموعی طور پر 91 الزامات ہیں۔