پوپ فرانسس کی آخری رسومات ہفتے کے روز ادا کی جائیں گی۔
ویٹیکن سٹی انتظامیہ کے مطابق پوپ فرانسس کی آخری رسومات سینٹ پیٹرز باسیلیکا کے باہر ادا کی جائیں گی، شرکت کیلئے متعدد عالمی رہنماؤں نے اپنی آمد کی تصدیق کر دی، امریکی صدر ڈونلڈ ٹرمپ، میلانیا ٹرمپ اور ارجنٹائن کے صدر پوپ کی آخری رسومات میں شریک ہوں گے۔
فرانسیسی صدر اور یوکرینی صدر کی شرکت بھی یقینی ہے، نئے پوپ کے انتخاب کیلئے اجلاس مئی کے اوائل میں شروع ہونے کی توقع ہے، پاکستان کے کارڈینل جوزف کاؤٹس بھی نئے پوپ کے انتخاب میں حصہ لیں گے، وہ ووٹ ڈالنے کیلئے روم جائیں گے۔
واضح رہے کہ رومن کیتھولک چرچ کے کارڈینل جوزف کاؤٹس کا تعلق کراچی سے ہے۔