دنیا کے امیر ترین افراد کی فہرست میں شامل الیکٹرک گاڑیاں بنانے والی امریکی کمپنی کے سی ای او ایلون مسک کے وائٹ ہاؤس میں بڑھتے اختیارات سے متعلق خبروں پر امریکی صدر ڈونلڈ ٹرمپ نے میڈیا کو نشانے پر لے لیا۔
ڈونلڈ ٹرمپ نے کہا کہ میڈیا پر ہر وقت ایسی خبریں گرم رہتی ہیں کہ ہمارے پاس بریکنگ نیوز ہے، ڈونلڈ ٹرمپ نے صدارت کا کنٹرول ایلون مسک کو سونپ دیا، صدر اور مسک آج رات کابینہ کے اجلاس میں شرکت کریں گے۔
امریکی صدر نے مزید کہا کہ ایلون نے مجھے کہا آپ جانتے ہیں، وہ ہمیں الگ کرنے کی کوشش کر رہے ہیں، میں نے کہا بالکل۔
ٹرمپ کا کہنا تھا کہ امریکی سب سمجھتے ہیں کہ میڈیا مبینہ طور پر کیا کر رہا ہے؟