واشنگٹن: کھربوں ڈالرز کی ادائیگی کرنیوالے حکومتی نظام سے متعلق حساس معلومات افشا ہونے کے خدشے کے پیش نظر امریکی عدالت کے جج نے ایلون مسک کی ٹیم کو حکومتی نظام تک رسائی سے روک دیا۔
ریاستوں کے ڈیمو کریٹک اٹارنی جنرلز کی جانب سے ایلون مسک کی ٹیم کیخلاف دائر مقدمہ کے مختصر فیصلے میں عدالت نے قرار دیا کہ کھربوں ڈالرز کی ادائیگی کرنے والے حکومتی نظام سے متعلق حساس معلومات افشا ہونے کا خدشہ ہے۔
عدالت کی جانب سے مزید کہا گیا کہ محکمہ خزانہ میں لاکھوں شہریوں کے ڈیٹا تک رسائی دینا قانونی طور پر ممکن نہیں، ایلون مسک اور ڈوج کمپنی اپنے پاس موجود ریکارڈ کو فوری تلف کرے۔
ایلون مسک نے عدالتی فیصلے پر برہمی کا اظہار کرتے ہوئے فیصلے کو پاگل پن قرار دے دیا اور جج کو سرگرم کارکن بھی کہا، ان کا کہنا تھا کہ ٹیکس دہندگان کی رقم فراڈ سے بچائیں گے کیسے اگر اس کا استعمال نہ پتا ہو۔
دوسری جانب ایلون مسک نے سوشل میڈیا ایپ ٹک ٹاک کو نہ خریدنے کا عندیہ دیدیا، خیال رہے کہ امریکی صدر ڈونلڈ ٹرمپ نے ایلون مسک کو ٹک ٹاک خریدنے کی پیش کش کی تھی۔