طلاق کی افواہوں کا بازار گرم ہونے پر امریکا کے سابق صدر باراک اوباما نے اپنی اہلیہ مشعل کے ساتھ مسکراہٹ بھری تصویر جاری کردی۔
باراک اوباما نے سابق خاتون اول کی 61 ویں سالگرہ کے موقع پر مشعل اوباما کو اپنی زندگی کی محبت قراردیا، 63 برس کے براک اوباما اور مشعل 30 برس سے رشتہ ازدواج میں منسلک ہیں۔
پچھلے چند ماہ کے دوران کئی اہم موقعوں پر باراک اوباما تنہا نظر آئے تھے، سابق صدر جمی کارٹر کی آخری رسومات میں بھی مشعل اوباما نے شرکت نہیں کی تھی۔
امریکا کے نومنتخب صدر ڈونلڈ ٹرمپ کی حلف برداری میں بھی مشعل اوباما شرکت نہیں کریں گی۔
افواہوں کا بازار گرم ہونے پر اوباما نے تصویر جاری کرکے لکھا کہ مشعل جس جگہ ہوں گی وہ کمرہ گرمجوشی، ذہانت، مسکراہٹوں اور شائستگی کی عبارت ہوگا، مشعل نے بھی جوابی پیغام میں اوباما سےمحبت کا اظہار کرکے افواہوں کو ختم کردیا۔