اسرائیل کی غزہ میں وحشیانہ بمباری جاری رہی، چوبیس گھنٹے میں مزید 70 فلسطینی شہید جبکہ 104زخمی ہوگئے۔
اسرائیل نے نئے سال کے پہلے 9 روز میں 490 فلسطینیوں کو شہید کردیا، غزہ میں اربکان پناہ گزین سکول پر حملے میں3 فلسطینی شہید ہوگئے، غزہ سٹی میں اسرائیلی فضائی حملے میں چار افراد شہید ہوئے، دیر البلاح میں ایک مکان پر حملے میں پانچ افراد شہید ہوگئے۔
جنگ میں مجموعی شہادتوں کی تعداد46ہزار سے تجاوز کر گئی، اسرائیلی فوج کے مغربی کنارے پر چھاپے کے دوران 15 فلسطینیوں کو گرفتار کر لیا گیا۔
پوپ فرانسس نے غزہ میں اسرائیلی بمباری ناقابل قبول قرار دے دی، انہوں نے کہا غزہ کی صورتحال انتہائی سنگین اور شرمناک ہے، غزہ میں بچے سردی میں جم کر موت کے منہ میں جا رہے ہیں،غزہ میں ہسپتال تباہ ہو چکے، توانائی کا نیٹ ورک متاثر ہے۔