چیمپئنز ٹی ٹوئنٹی کپ کا ٹائٹل اسٹالینز نے جیت لیا

چیمپئنز ٹی ٹوئنٹی کپ کا ٹائٹل اسٹالینز نے جیت لیا۔

فائنل میں مارخورز کی ٹیم 200 رنزکاہدف حاصل کرنے میں ناکام رہی اور وہ 5گیندیں قبل 124 رنزبناکرآؤٹ ہوگئی۔

بدھ کو پنڈی کرکٹ اسٹیڈیم میں چیمپئنز ٹی ٹوئنٹی کپ کے فائنل میچ میں اسٹالینز نے مارخورز کے خلاف ٹاس جیت کر پہلے بیٹنگ کی۔

اوپنر یاسر خان نے 57 گیندوں پر 7 چھکوں اور 5 چوکوں کی مددسے شاندار سنچری اسکورکی، جہاں داد خان 22 رنزبناکر ناٹ آؤٹ رہے جبکہ کپتان محمد حارث نے 21رنزبنائے۔

اسٹالینز کا اسکور مقررہ 20 اوورز میں 5 وکٹ کے نقصان پر 199 رنز رہا۔ مارخورز کی جانب سے عاکف جاوید نے 2، نواز ، عمران جونیئر اور فیضان نے ایک ایک وکٹ لی۔

200 رنز کے ہدف کے جواب میں مارخورز کی ٹیم 19.1 اوورز میں 124 رنزبناکر آؤٹ ہوگئی۔محمد فیضان 43 رنزبنا کر نمایاں رہے، کپتان افتخار احمد 22 اور اوپنر فخرزمان نے 20رنز اسکورکیے۔

اسٹالینز کی جانب سے محمد علی 3 ، جہانداد خان اور عثمان طارق نے 2،2 وکٹیں لیں۔

اختتامی تقریب کے مہمان خصوصی وفاقی وزیر اطلاعات و نشریات عطا تارڑ نے کھلاڑیوں میں انعامات تقسیم کیے۔

واضح رہے کہ فائنل سمیت ایونٹ کے تمام میچز جیوسوپرسے براہ راست نشرکیے گئے۔