قومی کرکٹ ٹیم کے دورہ آسٹریلیا کے اسکواڈ میں شامل عباس آفریدی نے کہا ہے کہ حریف پلیئرز سے نبرد آزما ہونے کے لیے پلان موجود ہے۔
پاکستان ٹی ٹوئنٹی اسکواڈ میں شامل عباس آفریدی نے میڈیا سے گفتگو کرتے ہوئے کہا کہ کراچی میں کیمپ کافی مددگار ثابت ہوگا، یہاں ہم اپنے اسکل پر کام کررہے ہیں۔
عباس آفریدی نے کہا کہ آسٹریلیا کی کنڈیشنز کافی مشکل ہوتی ہیں، وہاں کھیل چکے ہیں اس لیے اندازہ ہے کہ کیسی کنڈیشنز ہوں گی جب کہ حریف پلیئرز سے نبرد آزما ہونے کے لیے پلان موجود ہے۔
انہوں نے کا کہ پیٹ کمنز اچھا پلیئر ہے اور خواہش ہے کہ آسٹریلیا کے دورے میں ان سے کچھ سیکھ سکوں، بیٹنگ شروع ہی سے پسند رہی ہے اس پر کام کر رہا ہوں، کوشش کررہا کہ ایک اچھا آل راونڈر بن سکوں۔
عباس آفریدی کا مزید کہنا تھا کہ محمد رضوان ہمیشہ ینگسٹرز کی سپورٹ کرتے ہیں، اگر بولرز رنز بھی دیتا ہے تو رضوان حوصلہ دیتے ہیں۔