ایمرجنگ ٹیمز ٹی ٹوئنٹی ایشیا کپ میں پاکستان شاہینز نے اپنے دوسرے میچ میں عمان کو 74رنز سے شکست دے دی۔
عمان کرکٹ اکیڈمی میں کھیلے گئے میچ میں پہلے پاکستان شاہینز نے بیٹنگ کی اور مقررہ 20 اوورز میں 5 وکٹوں کے نقصان پر 185رنز بنائے۔ قاسم اکرم نے 48، روحیل نذیر نے 41 اور عرفات منہاس نے 31ر نز اسکور کیے۔ عمان کے مظاہر رضا نے دو کھلاڑیوں کو آؤٹ کیا۔
ہدف کے تعاقب میں عمان کی ٹیم مقررہ اوورز میں 7وکٹوں کے نقصان پر 111رنز تک پہنچ سکی اور اسے 74 رنز سے شکست کا سامنا کرنا پڑا۔
وسیم علی 28 اور کپتان جتندر سنگھ 24 رنز کے ساتھ نمایاں رہے۔ زمان خان نے دو کھلاڑیوں کو آؤٹ کیا۔
پاکستان شاہینز گروپ میں اپنا آخری میچ بدھ کو متحدہ عرب امارات کے خلاف کھیلے گی۔