انگلینڈ اینڈ ویلز کرکٹ بورڈ کے زیر اہتمام رواں برس جاری وائٹیلٹی ٹی 20 کرکٹ ٹورنامنٹ میں (کل)جمعہ کو مزید 8 میچ کھیلے جائیں گے۔ پہلا میچ ووسٹر شائر اور ناٹنگھم شائر کی ٹیموں کے درمیان نیو روڈ، ورسیسٹرمیں کھیلا جائے گا۔
دوسرے میچ میں وارکشائر اور یارکشائرکی ٹیمیں ایجبسٹن، برمنگھم کے مقام پر آمنے سامنے ہوں گی،تیسرا میچ لیسٹر شائر اور لنکاشائر کی ٹیموں کے درمیان گریس روڈ، لیسٹر میں کھیلا جائے گا، چوتھے میچ میں سرے اور گلوسٹر شائر کی ٹیمیں کیننگٹن اوول، لندن میں نبرد آزما ہوں گی۔
پانچویں میچ میں ہیمپشائر اور مڈل سیکس کی ٹیمیں روز باؤل، ساؤتھمپٹن میں پنجہ آزمائی کریں گی،چھٹے میچ میں نارتھمپٹن شائر اور ڈربی شائرکی ٹیمیں کائونٹی گرائونڈ،ڈربی میں ایکشن میں ہوں گی
،ساتواں میچ ایسیکس اور سسیکس کی ٹیموں کے درمیان کاؤنٹی گراؤنڈ، چیلمسفورڈمیں کھیلا جائے گا جبکہ کل جمعہ کا آٹھواں اور آخری میچ سمر سیٹ اور کینٹ کی ٹیموں کے درمیان کوپر ایسوسی ایٹس کاؤنٹی گراؤنڈ، ٹاونٹن میں کھیلا جائے گا۔
ٹورنامنٹ میں 18 ٹیمیں ٹائٹل کے حصول کے لئے نبرد آزما ہیں ۔سمرسیٹ کی ٹیم ایونٹ میں اپنے اعزاز کا دفاع کے لئے کوشاں ہے۔ ایونٹ کا کوارٹر فائنل مرحلہ3ستمبر سے شروع ہوگا جبکہ دونوں سیمی فائنلز اور فائنل میچ 14ستمبر کو برمنگھم میں کھیلے جائیں گے۔