پولینڈ میں جاری نیشنز کپ ہاکی ٹورنامنٹ میں پاکستان اور کینیڈا کے درمیان میچ بارش کے باعث ملتوی کر دیا گیا،گینیزنو میں جاری 9 ٹیموں کے درمیان نیشنز کپ ہاکی ٹورنامنٹ میں آج تیز بارش کے باعث میچز ملتوی کرنا پڑے۔
ایونٹ میں پاکستان کا دوسرا میچ کینیڈا کے خلاف ہونا تھا لیکن تیز بارش کے باعث ممکن نہ ہو سکا اور اب یہ میچ پیر کی دوپہر ڈھائی بجے کھیلا جائے گا،بارش کے باعث فرانس اور ملائشیا کے درمیان بھی میچ نہ ہو سکا۔