بارسلونا ’میسی‘ کو دوبارہ ٹیم کا حصہ بنا نے کا خواہاںہے، صدر لاپورٹا

بارسلونا (شوریٰ نیوز) صدر جان لاپورٹا نے اعلان کیا ہے کہ بارسلونا ’میسی‘ کو دوبارہ ٹیم کا حصہ بنا نے کا خواہاںہے،میسی کے دور میں 4 چیمپئنز لیگ اور 10 لا لیگا ٹائٹل جیتے گئے تھے،انہوں نے کہا کہ اسپینش فٹبال کلب ارجنٹائن کے اسٹار فٹبالر لیونل میسی کو اپنی ٹیم میں لانے کی ہر ممکن کوشش کرے گا۔میڈیا رپورٹس کے مطابق اسپینش کلب کے صدر کا کہنا ہے کہ لیونل میسی اور انکے درمیان تعلقات اچھے ہیں تاہم ٹیم میں واپسی کیلئے فٹبالر سے بات چیت جاری ہے، میسی نے سال 2021 میں بارسلونا کو خیرباد کہہ کر پیرس سینٹ جرمن (پی ایس جی) کو جوائن کیا تھا، اسٹار فٹبالر کلب کے ساتھ منسلک رہنا چاہتے تھے لیکن کلب اس وقت ایک بلین یورو ($1.1 بلین) کے قرض کی وجہ سے اسے اپنے پاس رکھنے کا متحمل نہیں تھا۔