آئی سی سی انڈر 19 ورلڈ کپ 2024 میں منگل کو مزید تین میچوں کا فیصلہ ہو گا ، پہلا میچ بھارت اور نیوزی لینڈ ، دوسرا میچ سری لنکا اور ویسٹ انڈیز کی انڈر 19 ٹیموں کے درمیان کھیلا جائے گا۔
تیسرے میچ میں پاکستان اور آئرلینڈ کی ٹیمیں آمنے سامنے ہوں گی،انڈر 19 ورلڈ کپ کے دلچسپ مقابلے جنوبی افریقا میں جاری ہیں ۔ میگا ایونٹ میں کل منگل کو سپر سکس گروپ ون میں بھارت اور نیوزی لینڈ کی انڈر 19 ٹیمیں مانگاونگ اوول، بلومفونٹین میں مدمقابل ہوں گی ۔
اسی روز دوسرا میچ سپر سکس گروپ ٹو کی ٹیموں سری لنکا اور ویسٹ انڈیز کے مابین ڈائمنڈ اوول، کمبرلی میں کھیلا جائے گا جبکہ اسی روز کا تیسرا اور آخری میچ جس میں سپر سکس گروپ ون کی ٹیمیں پاکستان اور آئرلینڈ سینویس پارک، پوچیفسٹروم کے مقام پر آمنے سامنے ہوں گی۔
انڈر 19 ورلڈ کپ کا پہلا سیمی فائنل میچ 6 فروری ،دوسرا سیمی فائنل میچ 8 فروری جبکہ فائنل میچ 11 فروری کو کھیلا جائے گا۔