انڈر 19 ایشیا کپ میں نیپال کے خلاف 6 اور بھارت کے خلاف 4 وکٹیں لینے والے پاکستانی فاسٹ بولر محمد ذیشان نے نجی نیوز چینل سے گفتگو کرتے ہوئے کہا ہے کہ انڈر 19 لیول ہر پلیئر کیلئے کافی اہم ہوتا ہے۔
شاہین شاہ آفریدی انڈر 19 سے ہی اوپر آئے، مجھے بھی امید ہے کہ اچھا رزلٹ ملے گا، بھارت کے خلاف میچ کا پریشر نہیں لیا ، اس میچ کو ایک عام میچ سمجھ کر کھیلا تھا۔
ایمبروز اور شعیب اختر کو پسند کرتا ہوں لیکن کسی اور کی طرح نہیں بننا، اپنا نام بنانا ہے، اپنے بولنگ ایکشن سے مطمئن ہوں، فٹنس پر محنت کروں گا تاکہ اس کو تبدیل نہ کرنا پڑے۔
انڈر 19 ایشیا کپ اور ورلڈ کپ میں پاکستان کو چیمپئن بنانا چاہتا ہوں، خواہش ہے کہ ان دونوں ٹورنامنٹ میں پاکستان کا بہترین بولر بنوں، ٹیسٹ کرکٹ میرا فوکس ہے لیکن موقع ملا تو تینوں فارمیٹ کھیلنا چاہوں گا۔
فی الحال پی ایس ایل کا نہیں سوچ رہا، فوکس ایشیا کپ اور پھر ورلڈ کپ پر ہے،واضح رہے کہ انڈر 19 ایشیا کپ میں پاکستان نے پہلے میچ میں نیپال اور دوسرے میچ میں بھارت کے خلاف شاندار کامیابی حاصل کی ہے۔