نگران صوبائی وزیر نوابزادہ جمال رئیسانی نے تقریب سے خطاب کرتے ہوئے کہا کہ تین روزہ یوتھ فیسٹیول میں بلوچستان کے نوجوانوں کے لئے آگاہی کے نئے دریچے کھلیں گے ، یوتھ فیسٹیول میں بلوچستان کی ثقافت کے رنگوں کو اجاگر کیا جائے گا۔
بین الاقوامی سطح سے مختلف شعبوں کے ماہرین کوئٹہ آئیں گے، ماہرین اور بلوچستان کے نواجوانوں کے مابین اہم امور پر گفتگو کے لئے نشستیں ہونگی۔
پہلی مرتبہ بلوچستان کے نوجوانوں کے لئے اس سطح پر فیسٹیول کا انعقاد کیا جارہا ہے، یوتھ فیسٹیول کا مقصد بلوچستان کے نوجوانوں کی صلاحیتوں میں نکھار پیدا کرنا ہے، نواجوان یوتھ فیسٹول کو کامیاب بنانے میں اپنی صلاحتیوں کو بروکار لائیں۔
ہماری کوشش ہے کہ قلیل وقت میں نوجوانوں کے لئے بھرپور مواقع سامنے لاسکیں، بلوچستان کے نوجوان اپنی سرزمین کی طرح صلاحتیوں سے بھی مالامال ہیں۔