آئی سی سی کے مطابق مارلون سیموئلز پر ایمریٹس کرکٹ بورڈ (ای سی بی)کے اینٹی کرپشن کوڈ کی خلاف ورزی کرنے پر پابندی عائد کی گئی ہے۔
سابق ویسٹ انڈین کرکٹر 2019 میں ابوظہبی ٹی 10 لیگ میں کرناٹکا ٹسکرز کا حصہ تھے تاہم انہوں نے میچز نہیں کھیلے تھے،آئی سی سی کے اعلامیے میں کہا گیا ہے کہ مارلون سیمیولز پر ستمبر 2021 پر چار چارجز عائد کیے گئے۔
رواں برس اگست میں مارلون سیمیولز جرم کے مرتکب قرار پائے گئے۔آئی سی سی اینٹی کرپشن کوڈز کے سربراہ ایلکس مارشل کا کہنا ہے کہ مارلون سیمیولز تقریباً دو دہائیوں تک انٹرنیشنل کرکٹ کھیلے ہیں اور انہیں تمام قواعد و ضوابط کا بخوبی علم ہے، گوکہ وہ اب ریٹائر ہو چکے ہیں لیکن ان پر پابندی ایک واضح پیغام ہے کہ قوانین کی خلاف ورزی سنگین جرم ہے۔
مارلون سیمیولز 2012 اور 2016 کے ٹی ٹوئنٹی ورلڈکپس میں ویسٹ انڈیز کی جانب سے سب سے زیادہ سکور بنانے والے کھلاڑی رہے۔ انہوں نے اپنا آخری انٹرنیشنل میچ 2018 میں کھیلا تھا جبکہ ویسٹ انڈین بلے باز نے 2020 میں انٹرنیشنل کرکٹ سے ریٹائرمنٹ لے لی تھی۔سابق ویسٹ انڈین کرکٹر کا کیرئیر تنازعات سے بھرپور رہا اور 2008 میں بھی مارلون سیمیولز پر رقم اور فوائد لینے کا جرم ثابت ہونے پر دو سال کی پابندی عائد کی گئی تھی۔
نومبر 2020 میں تمام فارمیٹس میں 11,000 بین الاقوامی رنز کے ساتھ ریٹائرمنٹ کا اعلان کیا تھا۔ مارلون سیمیولز نے اپنے کرکٹ کیریئر کے دوران 71 ٹیسٹ،207 ون ڈے اور 67 ٹی ٹونٹی بین الاقوامی میچز میں ویسٹ انڈیز کی نمائندگی کی ۔