سائوتھ آسٹریلیا اور کوئنزلینڈ کی ٹیمیں دی مارش کپ کرکٹ ٹورنامنٹ کے پانچویں میچ میں کل ایلن بارڈر فیلڈ، برسبین کے مقام پر نبرد آزما ہوں گی۔ جیک لیمین سائوتھ آسٹریلیا کی قیادت کر رہے ہیں۔
کوئنز لینڈ کو مایہ ناز بلے باز عثمان خواجہ لیڈ کریں گے۔کرکٹ آسٹریلیا ( سی اے ) کے زیر اہتمام دی مارش کپ کے دلچسپ اور کانٹے دار مقابلے آسٹریلیا میں جاری ہیں۔
ٹورنامنٹ میں کل جمعرات کو ایک میچ کھیلا جائے گا جس میں سائوتھ آسٹریلیا کی ٹیم کا مقابلہ کوئنز لینڈ کی ٹیم سے ہوگا۔ سائوتھ آسٹریلیا کی ٹیم اب تک ایک میچ کھیل چکی ہے جس میں اس کو شکست کا سامنا کرنا پڑا تھا۔
کوئنز لینڈ کی ٹیم بھی ایک میچ کھیل چکی ہے اور وہ بھی پہلا میچ ہار چکی ہے۔ ٹورنامنٹ میں چھ ٹیمیں ٹائٹل کے حصول کے لئے پنجہ آزما ہیں۔ ٹورنامنٹ کا فائنل میچ آئندہ سال 25فروری کو ہوگا۔