پاکستان سکواش فیڈریشن کے زیر اہتمام چیف آف ائیر سٹاف انٹرنیشنل سکواش ٹورنامنٹ 30نومبر سے مصحف سکواش کمپلیکس اسلام آباد میں شروع ہو گا۔
پاکستان سکواش فیڈریشن کے سیکرٹری جنرل ائیر کموڈور عامر نواز نے بتایا کہ ٹورنامنٹ کی تیاریاں زور و شور سے جاری ہیں۔ ٹورنامنٹ میں پاکستان سمیت دنیا بھر سے مرد اور خواتین کھلاڑی حصہ لے سکتے ہیں۔
ٹورنامنٹ میں شرکت کے لئے کھلاڑی اپنی انٹری 18 اکتوبر سے قبل کروا سکتے ہیں۔ ٹورنامنٹ میں مردوں کے لئے 12 ہزار ڈالر اور خواتین کے لئے 6 ہزار ڈالر کی انعامی رقم رکھی گئی ہے۔
ٹورنامنٹ 4 دسمبر تک جاری رہے گا اور ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔