ایشین کرکٹ کونسل کے زیر اہتمام ایشیا کپ ٹی 20 کرکٹ ٹورنامنٹ 30 اگست سے شروع ہوگا جس کی میزبانی پاکستان اور سری لنکا کریں گے۔
ٹورنامنٹ کا ابتدائی میچ گروپ اے کی ٹیموں پاکستان اور نیپال کے درمیان ملتان کرکٹ سٹیڈیم ، ملتان میں کھیلا جائے گا، پاکستان اور بھارت کی ٹیموں کے درمیان پہلا میچ 2 ستمبر کو پالے کیلی انٹر نیشنل کرکٹ سٹیڈیم ، کینڈی میں کھیلا جائے گا۔
پاکستان اور بھارت کی ٹیمیں اس سے قبل ایشیا کپ میں 15 بار ایک دوسرے کے مد مقابل آئیں جہاں بھارت نے 8 جبکہ پاکستان نے 6 میچز میں کامیابی حاصل کی ۔
ٹورنامنٹ کے میچز 30اگست اور 17ستمبر 2022 تک محدود فارمیٹ ٹی ۔20 انٹرنیشنل کے طور پر پاکستان اور سری لنکا میں کھیلے جائیں گے۔
فائنل میچ 17 ستمبر کو آر پریما داسا انٹرنیشنل کرکٹ سٹیڈیم ، کولمبو میں کھیلا جائے گا۔ سری لنکن ٹیم دفاعی چیمپئن ہے۔ٹورنامنٹ میں 6 ٹیمیں ٹائٹل کے حصول کے لئے پنجہ آزمائی کریں گی۔
پاکستان،دفاعی چیمپئن سری لنکا ،بھارت، بنگلہ دیش ، افغانستان اور نیپال شامل ہیں، ان 6 ٹیموں کو دو گروپس میں تقسیم کیا ،گروپ اے میں پاکستان ، بھارت اور نیپال جبکہ گروپ بی میں دفاعی چیمپئن سری لنکا ، افغانستان اور بنگلہ دیش شامل ہیں۔