قومی ٹی20 ٹیم کے کپتان سلمان علی آغا نے بابراعظم سے متعلق حیران کُن انکشاف کردیا۔
کرکٹ پاکستان کو دیے گئے خصوصی انٹرویو میں مڈل آرڈر بیٹر سلمان آغا نے بتایا کہ وہ اور بابراعظم اسکول سطح پر ایک ساتھ کرکٹ کھیلا کرتے تھے۔
انکا کہنا تھا کہ اسکول کرکٹ کے دوران بابراعظم مسلم ماڈل اسکول کی ٹیم کیساتھ کھیلا کرتے تھے جبکہ میں سینٹرل ماڈل کی نمائندگی کرتا تھا، ہماری ٹیموں کے درمیان میچز کے باعث اِن سے دوستی ہوئی۔
انہوں نے بتایا کہ اسکول سطح کی کرکٹ کے بعد ہم انڈر-16 اور انڈر-19 میں ساتھ کھیلتے رہے، بابراعظم سے بہت پُرانی ملاقات رہی ہے، ہمیشہ کچھ سیکھنے کو ملتا ہے۔
سلمان آغا نے کہا کہ قومی ٹیم میں شاداب خان، سعود شکیل، عبداللہ شفیق اور صائم ایوب سے بھی دوستی ہے، ہم ساتھ کھانا کھاتے بھی جاتے ہیں۔