پاکستان سپر لیگ (پی ایس ایل) کے 10ویں ایڈیشن کے آغاز سے قبل ہونیوالی مشترکہ پریس کانفرنس میں صحافی کے سوال نے بابراعظم اور محمد رضوان کو خاموش تماشائی بناڈالا۔
گزشتہ روز اسلام آباد میں پاکستان سپر لیگ (پی ایس ایل) کے 10ویں سیزن کے آغاز سے قبل تمام 6 فرنچائز کے ٹیموں کے کپتانوں کے ہمراہ پریس کانفرنس کا اہتمام کیا گیا تھا، جس میں صحافیوں نے پلئیرز سے انکی کارکردگی اور مستقبل میں ٹیم کی قیادت سے متعلق سوالات کیے تھے۔
تقریب کے دوران ایک رپورٹر نے قومی ٹیم کے سینیئر مڈل آرڈر کرکٹر بابراعظم، محمد رضوان سے سوال کیا کہ کیا ہم پی ایس ایل میچز کے دوران 200 یا اس سے زائد رنز کے ہدف کے تعاقب حاصل کرنے کی کوشش کریں گے؟۔
جس پر بابراعظم نے محمد رضوان کی طرف اشارہ کیا اور رضوان نے بھی خاموش رہے تاہم اس موقع پر لاہور قلندرز کے کپتان شاہین شاہ آفریدی نے ذمہ داری کا مظاہرہ کیا اور صحافی کے سوال کا جواب دیا۔
انکا کہنا تھا کہ پہلے تو بالرز کی ذمہ داری ہے کہ وہ اتنے رنز نہ بننے دیں لیکن پھر بھی کوشش ہوگی ہدف حاصل کریں اور فتح سمیٹیں، ہماری کارکردگی کچھ عرصے سے خراب ہے لیکن پاکستان کی ٹیم ہے اور گرین شرٹس کو واپس اُوپر لیکر جانا ہی ہمارا فرض ہے۔
دوسری جانب بابراعظم اور رضوان کی جانب سے خاموشی اختیار کرنے پر انہیں تنقید کا نشانہ بنایا جارہا ہے جبکہ شاہین کی حوصلہ افزائی کی جارہی ہے۔