بھارتی ٹیم کے کپتان روہت شرما کی نیوزی لینڈ کیخلاف آخری گروپ میچ میں شرکت مشکوک ہوگئی۔
میڈیا رپورٹس کے مطابق پاکستان کیخلاف میچ میں انجری کا شکار ہونیوالے بھارتی ٹیم کے کپتان روہت شرما نے نیوزی لینڈ کیخلاف میچ سے قبل پریکٹس سیشن میں حصہ نہیں لیا، جس نے سوالات کھڑے کردیے۔
رپورٹس میں کہا گیا ہے کہ بھارتی کپتان پاکستان کے خلاف میچ میں ہیمسٹرنگ میں تکلیف محسوس ہوئی تھی تاہم انکا کہنا تھا کہ وہ ٹھیک ہیں اور فکر کی کوئی بات نہیں۔
روہت شرما نے پریکٹس سیشن کے دوران محض بیٹنگ اور ہلکی دوڑ لگائی۔
ٹیم مینجمنٹ اور میڈیکل اسٹاف روہت شرما کی فٹنس پر گہری نظر رکھے ہوئے ہے اور ان کی شرکت کا حتمی فیصلہ میچ سے قبل ان کی حالت کے جائزے کے بعد کیا جائے گا۔
واضح رہے کہ چیمپئینز ٹرافی میں بھارت اور نیوزی لینڈ کا ٹاکرا 2 مارچ کو دبئی میں ہوگا البتہ دونوں ٹیمیں سیمی فائنل کیلئے پکی کرچکی ہیں۔