انٹرنیشنل کرکٹ کونسل (آئی سی سی) نے چیمپئز ٹرافی کی تیاری کی ویڈیو جاری کردی۔
انگلینڈ سے تعلق رکھنے والے تھامس لائٹ نے ٹرافی ڈیزائن کی۔ آئی سی سی کی جانب سے جاری ویڈیو میں ٹرافی کی تیاری کے مختلف مراحل کی عکس بندی کی گئی ہے۔
تھامس لائٹ کا کہنا ہے کہ چیمپئنز ٹرافی کی خوبصورت ٹرافی کی تیاری میں بڑی محنت کی گئی، اچھی ٹرافی تیار کرنے میں کافی دباؤ ہوتا ہے۔
انہوں نے کہا کہ آئی سی سی کےلیے ٹرافی تیار کرنا اعزاز ہے۔
خیال رہے کہ میگا ایونٹ کا آغاز بدھ کو پاکستان اور نیوزی لینڈ میچ سے ہوگا، ایونٹ کا سب سے بڑا مقابلہ پاک بھارت ٹاکرا 23 فروری کو دبئی میں ہوگا۔