سہ ملکی سیریز کے تیسرے میچ میں پاکستان نے 353 رنز کا ریکارڈ ہدف حاصل کرتے ہوئے جنوبی افریقا کو سات وکٹوں سے شکست دے کر ٹورنامنٹ کے فائنل میں کوالیفائی کر لیا۔
کراچی میں کھیلے گئے میچ میں پاکستان نے 353 رنز کا ریکارڈ ہدف باآسانی 4 وکٹوں کے نقصان پر 49 اوورز میں کپتان محمد رضوان اور سلمان آغا کی 260 رنز کی شاندار شراکت کی بدولت حاصل کیا۔
پاکستان کی جانب سے سلمان آغا 134 رنز بنا کر نمایاں رہے۔ کپتان محمد رضوان 122 رنز کی ناقابلِ شکست باری کھیلی۔ طیب طاہر 4 رنز بنا کر ناٹ آؤٹ پویلین لوٹے۔
فخر زمان 41، بابر اعظم 23 اور سعود شکیل 15 رنز بنا کر آؤٹ ہوئے۔
جنوبی افریقا کی جانب سے وائن مُلڈر نے 2 جبکہ کوربن بوش نے 1 وکٹ حاصل کی۔
اس سے قبل ٹاس جیت کر پہلے بیٹنگ کرتے ہوئے جنوبی افریقا کی ٹیم نے مقررہ 50 اوورز میں 5 وکٹوں کے نقصان پر 352 رنز اسکور کیے۔
پروٹیز کی جانب سے ہینرک کلاسن 87 رنز بنا کر نمایاں رہے۔ میتھیو بریٹز کے 83، کپتان ٹیمبا بووما 82، ٹونی ڈی زورزی 22 اور وائن مُلڈر 2 رنز بنا کر آؤٹ ہوئے۔
کائل ویرائن 44 اور کوربن بوش 15 رنز بنا کر ناٹ آؤٹ پویلین لوٹے۔
پاکستان کی جانب سے شاہین شاہ آفریدی نے 2 جبکہ خوشدل شاہ اور نسیم شاہ نے 1، 1 وکٹ حاصل کی۔