انگلینڈ ، معین علی کی ٹیسٹ کرکٹ سے دوبارہ ریٹائرمنٹ

لندن (شوریٰ نیوز)انگلینڈ ، معین علی کی ٹیسٹ کرکٹ سے دوبارہ ریٹائرمنٹ ،ٹیسٹ کرکٹ سے لطف اٹھایا ،اس جیت کے ساتھ ختم کرنا اچھا ہے۔معین علی 2021 کے سیزن کے اختتام پر ٹیسٹ کرکٹ سے ریٹائر ہوگئے تھے لیکن پھر رواں سال ایشز سیریز سے کچھ دن قبل انگلش اسپنرجیک لیچ کی انجری کے بعد انگلینڈ کرکٹ ٹیم کی مینجمنٹ کی جانب سے معین علی سے ریٹائرمنٹ واپس لینے کے لیے رابطہ کیا گیا تھا۔ٹیم مینجمنٹ سے رابطے کے بعد معین علی نے ٹیسٹ کرکٹ سے اپنی ریٹائرمنٹ واپس لیتے ہوئے آسٹریلیا کے خلاف ایشزسیریزمیں شرکت کی۔ایشزسیریز کا آخری میچ جیتنے کے بعد معین علی نے کہا کہ اب میں ٹیسٹ کرکٹ سے ریٹائرہوچکا ہوں،اگربین اسٹوکس نے ٹیسٹ کرکٹ کھیلنے کیلئے مجھے دوبارہ میسج کیا تو میں اسے ڈیلیٹ کر دوں گا۔ میں نے واقعی ٹیسٹ کرکٹ سے بہت لطف اٹھایا ہے اور اسے جیت کے ساتھ ختم کرنا اچھا ہے۔انگلینڈ کی ایشیزٹیسٹ کے آخری میچ میں جیت کے ساتھ ہی انگلش فاسٹ بولراسٹیورٹ براڈ بھی کرکٹ سے ریٹائرہوگئے۔ معین علی نے حالیہ ایشز کے 4 ٹیسٹ میچز میں مجموعی طور پر 180 رنز بنائے اور 9 وکٹیں حاصل کیں۔