پاکستان کرکٹ بورڈ (پی سی بی) نے نیشنل اسٹیڈیم میں انکلوژر شاہد آفریدی اور یونس خان کے نام سے منسوب کرنے کا فیصلہ کرلیا۔
قائد انکلوژرکو شاہد آفریدی انکلوژر کیا جائے گا اور موجودہ ماجد خان انکلوژر کو یونس خان انکلوژر کر دیا جائے گا۔
اس کے علاوہ موجودہ ظہیر عباس انکلوژر کو نذر محمد انکلوژر کردیا جائے گا۔
نیشنل اسٹیڈیم میں 1050 کی گنجائش والے ان 2 انکلوژرز کو ماجد خان اور ظہیر عباس انکلوژر کا نام دیا جائے گا، حنیف محمد اور فضل محمود انکلوژر کی جگہیں بھی تبدیل کی جا رہی ہیں۔
نیشنل اسٹیڈیم کی نئی تعمیر شدہ بلڈنگ میں 2 نئے وی وی آئی پی انکلوژر بن رہے ہیں۔