پاکستان میں مارشل آرٹس کے بانی اشرف تائی کو گزشتہ روز دل کا دورہ پڑا تھا جس کے بعد اُن کی حالت تشویش ناک بتائی گئی تھی تاہم ڈاکٹرز کی جانب سے ان کی طبی صورتحال سے متعلق اہم بیان سامنے آیا ہے۔
رپورٹ کے مطابق اشرف تائی قومی مرکز برائے امراض قلب میں زیر علاج ہیں اور انہیں انتہائی نگہداشت وارڈ میں رکھا گیا ہے جہاں ڈاکٹرز نے اُن کی حالت خطرے سے باہر بتائی ہے۔
اس سے پہلے بھی سال 2013 میں اشرف تائی صحت کے سنگین مسائل سے دو چار رہ چکے ہیں یہاں تک وہ موت و زندگی کی کشمکش میں تھے مگر بعد ازاں وہ صحت یاب ہوگئے تھے۔
مارشل آرٹس کے بانی اشرف تائی کے دونوں گردے پہلے ہی فیل ہیں، وہ کھیلوں میں خدمات دینے پر صدارتی تمغہ حسن کارکردگی حاصل کر چکے ہیں۔
واضح رہے کہ اشرف تائی نے 34 برس بعد میچ فکسنگ میں ملوث ہونے کا اعتراف کیا اور وہ 1983 میں جرمن حریف کے خلاف جان بوجھ کر ہارے تھے، میچ فکسنگ کرتے ہوئے اشرف طائی نے 5 لاکھ ڈالر وصول کیے تھے۔