ویسٹ انڈین کرکٹر کیرون پولارڈ ٹی20 کرکٹ کیرئیر میں 900 چھکے لگانے والے دنیا کے دوسرے بلےباز بن گئے۔
دبئی انٹرنیشنل اسٹیڈیم میں 16 جنوری کو آئی ایل ٹی20 لیگ میں ایم آئی ایمریٹس اور ڈیزرٹ وائپرز کے درمیان میچ میں پولارڈ نے اپنے کیریئر میں 900 چھکے لگانے کا اعزاز حاصل کیا۔
پولارڈ 19ویں اوور کی پہلی گیند پر چھکا لگا کر ٹی20 کرکٹ میں دوسرے سب سے زیادہ چھکے لگانے والے بیٹر بھی بن گئے۔
مزید پڑھیں: گھر پر حملے کے بعد انگلش کھلاڑی ملک چھوڑ کر دبئی منتقل
ان کے علاوہ ہم وطن کرس گیل 1 ہزار 56 چھکوں کیساتھ پہلے نمبر پر موجود ہیں، جنہوں نے یہ کارنامہ محض 455 اننگز میں انجام دیا تھا۔
ٹی20 کرکٹ میں سب سے زیادہ چھکے:
کرس گیل- 455 اننگز میں 1056
کیرون پولارڈ – 613 اننگز میں 901
آندرے رسل – 456 اننگز میں 727
نکولس پوران- 350 اننگز میں 592
کولن منرو – 415 اننگز میں 550
پولارڈ نے دنیا بھر میں ٹی 20 لیگز میں ٹائٹل جیتے ہیں اور وہ ویسٹ انڈیز کے اسکواڈ کا حصہ تھے جس نے 2016 ورلڈکپ ٹرافی اٹھائی تھی۔ انہوں نے 690 ٹی20 میچز میں 13 ہزار 429 رنز بنائے اور 326 وکٹیں حاصل کیں۔