ایڈیلیڈ انٹرنیشنل ٹینس ٹورنامنٹ کے مردوں کے مقابلے میں اٹلی کی جوڑی کوارٹر فائنل میں پہنچ گئی۔
اٹلی کے ٹینس سٹار سائمن بولیلی اور ان کے ہم وطن جوڑی دار اینڈریا واواسوری نے مینز ڈبلز مقابلوں کے دوسرے میچ میں وائلڈ کارڈ پر انٹری حاصل کرنے والے آسٹریلیا کے تھامس فینکٹ اور ان کے ہم وطن جوڑی دار میتھیو کرسٹوفر رومیوس کو شکست دے کر ٹاپ ایٹ راؤنڈ کے لئے کوالیفائی کیا۔
سائمن بولیلی اور ان کے ہم وطن جوڑی دار اینڈریا واواسوری پر مشتمل تھرڈ سیڈڈ جوڑی نے شاندار کارکردگی کا مظاہرہ کرتے ہوئے آسٹریلیا کے تھامس فینکٹ اور ان کے ہم وطن جوڑی دار میتھیو کرسٹوفر رومیوس کو ٹائی بریک پر سٹریٹ سیٹس میں 6-7(2-7) اور 3-6 سے ہرا کر ٹورنامنٹ کے کوارٹر فائنل کے لئے کوالیفائی کیا۔
واضح رہے آسٹریلیا کے مشہور شہر ایڈیلیڈ کے میموریل ڈرائیو ٹینس سینٹر اے ٹی پی ایڈیلیڈ انٹرنیشنل ٹینس ٹورنامنٹ کے میچز جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔