اسلام آباد(شوریٰ نیوز)وفاقی وزیر داخلہ رانا ثناء اللہ نے کہا ہے کہ نگراں وزیراعظم کیلئے وزیراعظم شہباز شریف نے مشاورت شروع کردی، جلد اور آسانی سے یہ عمل مکمل ہوجائے گا۔ایک نجی ٹی وی کو انٹرویو دیتے ہوئے وفاقی وزیر داخلہ نے کہا کہ پرانی اور نئی مردم شماری کا الیکشن سے کیا تعلق ہے، مشترکہ مفادات کونسل کا فیصلہ اپنی جگہ، ووٹر لسٹیں اپ ڈیٹیڈ ہیں۔انہوں نے کہا کہ ا?بادی کی بنیاد پر تو صرف سیٹیں کسی جگہ کم اور بڑھ جائیں گی، حلقوں میں اضافہ یا کمی کے لیے ا?ئینی ترمیم کرنا پڑے گی۔ وزیر داخلہ نے مزید کہا کہ نئی مردم شماری ا? بھی جائے تو حلقے تو یہی رہیں گے، ہم یہ کہتے تھے 2 اسمبلیوں کا پہلے الیکشن عام انتخابات کو ڈیکٹیٹ کرے گا۔ 9 مئی کے واقعات میں ملوث لوگوں کا سرغنہ یہ فتنہ ہے، اس نے ان لوگوں کی ذہن سازی کی، پلاننگ کی اور یہ ملک دشمنی ہے۔ چیئرمین پی ٹی ا?ئی نے پہلے ادارے اور پھر ایک شخصیت کو نشانہ بنایا، جن عناصر نے 9 مئی کے واقعات کیے ہیں، ان کو اپنے جرم کا سامنا کرنا چاہیے۔انہوں نے کہا کہ تحریک انصاف کو الیکشن میں ہونا چاہیے اور الیکشن میں ہو، عوام ووٹ کی طاقت سے فیصلہ کریں ان کو ملک میں یہ فتنہ چاہیے یا جمہوریت اور امن۔وزیر داخلہ نے کہا کہ جو پی ٹی ا?ئی کا بیانیہ اور ریڈ لائن تھی اس کے بعد انہوں نے ایک ہی طرف رخ کیا، یہ عدالت میں پیش ہوں، ضمانت کرائیں اپنی صفائی پیش کریں۔ گواہیاں ا?رہی ہیں، سرحدوں سے باہر تانے بانے ہیں وقت تو لگے گا، پرویز الہٰی نے ا?خری 3 ماہ حکومت میں ملک کو لوٹا، ستیاناس کیا۔انہوں نے کہاکہ ہم نے پنجاب میں الیکشن مہم کا ا?غاز کیا ہے، ہم سے کسی نے نہیں کہا کہ قربانی دیں یا سیٹ ایڈجسٹمنٹ کریں۔انہوں نے کہا کہ پنجاب میں بھرپور الیکشن لڑیں گے ہر سیٹ پر امیدوار ہوگا، صوبے میں ہمیں سیٹ ایڈجسٹمنٹ نہیں کرنی چاہیے اس کا نقصان ہو۔وزیر داخلہ نے کہا کہ اعظم خان جہاں بھی ہیں، جیسے بھی ہیں، ایسی بات نہیں کرنا چاہتا کہ فیملی کو ناگوار گزرے، اْن کی فیملی رابطہ کرے تو جو ہم مدد کرسکتے ہیں اس پر تیار ہیں۔یہ بات بھی عجیب لگتی ہے کہ اعظم خان اکیلے ہی پھر رہے تھے، شہزاد اکبر کے بھائی حکومتی اداروں کی حراست میں نہیں.