چیئرمین پی اے سی کا نادرا سے شہریوں کا ڈیٹا لیک ہونے پر نوٹس

اسلام آباد(شوریٰ نیوز)چیئرمین پی اے سی کا نادرا سے شہریوں کا ڈیٹا لیک ہونے پر نوٹس ،پی ٹی اے، ایف آئی اے بھی تحقیقاتی ٹیم میں شامل کیا جائے۔پبلک اکاؤنٹس کمیٹی کا اجلاس چیئرمین نور عالم خان کی زیر صدارت ہوا جس دوران چیئرمین پی اے سی نے وزارت داخلہ کو شہریوں کا ڈیٹا لیک ہونے کی مشترکہ تحقیقات کی ہدایت جاری کی۔ انہوں نے کہا کہ پی ٹی اے، ایف آئی اے، ملٹری انٹیلی جنس کو بھی تحقیقاتی ٹیم میں شامل کیا جائے۔ ہر ایک کا ذاتی ڈیٹا انٹرنیٹ پر موجود ہے، نادرا سے کیسے لیک ہوا ؟ پی ٹی اے سارا ڈیٹا بلاک کرے، عسکری حکام کا ڈیٹا بھی لیک ہوا ہے، اس معاملے میں بڑا آدمی بھی ملوث ہے تو اس پر بھی ہاتھ ڈالیں ۔ دوران اجلاس نور عالم سیکرٹری مذہبی امور کی عدم حاضری پر برہم ہوئے اور اظہار ناپسندیدگی کا نوٹ بھجوایا ،چیئرمین کمیٹی نے استفسار کیا کہ وزارتِ مذہبی امور سے کتنے لوگ حج پر گئے ؟ ایڈیشنل سیکریٹری نے کہا کہ وزارت سے 200 افراد حج پر گئے تھے ۔