راولپنڈی (شوریٰ نیوز)پاک فوج کے توسط سے صوبہ بلوچستان میں مختلف غیر نصابی سرگرمیوں کا انعقاد، مختلف اضلاع میں نعت، قرات ، کے مقابلے ، طبی کیمپ سمیت کرکٹ اور فٹبال میچوں سمیت سیمینار کا انعقاد کیا گیا،ضلع حب میں تقریری، نعت اور قرآت کے مقابلے منعقد کئے گئے جن میں لوگوں کی بڑی تعداد نے حصہ لیا، لسبیلہ کے مقام پر طبی کیمپ کا انعقاد کیا گیا جس سے سینکڑوں افراد مستفید ہوئے، ضلع چاغی ، کیچ اور سبی میں 3 کرکٹ میچ کھیلے گئے، سینکڑوں تماشائیوں کی توداد نے شرکت کی، جیتنے والی ٹیموں میں پاک فوج کی طرف سے انعامات تقسیم کیے، 9 مئی کو ضلع نوشکی میں تاریخِ پاکستان کے موضوع پر ایک سیمینار منعقد کیا گیا جس میں بڑی تعداد میں علاقائی اور نواحی افرادنے شرکت کی، ضلع سبی اور کوہلو میں * فٹبال* اور کبڈی کے کھیلوں سے ہزاروں تماشائی لطف اندوز ہوئے، ان کھیلوں سے مقامی کھلاڑیوں کی حوصلہ افزائی ہوئی، ضلع ہرنائی میں 10 مئی کو میرا آئین میری آزادی کی ضمانت پر ایک سیمینار منعقد ہوا جس میں لوگوں کی بڑی تعداد نے شرکت کی، زیارت کے مقام پہ ایک نمائشی دورہ منعقد ہوا اور لوگوں کی بڑی تعداد نے اس میں حصہ لیا، پاک فوج کی یہ کاوشیں بلوچستان میں ناصرف امن و امان کی عکاسی کرتی ہیں بلکہ کھیلوں کے فروغ میں بھی کلیدی کردار ادا کر ہی ہیں۔