اسلام آباد(شوریٰ نیوز)وزیراعظم سے پیپلزپارٹی کی اعلیٰ قیادت کی ملاقات،ملکی و سیاسی صورتحال پرتبادلہ خیال، وفد میں نوید قمر، شیری رحمن، خورشید شاہ،قمر الزمان کائرہ، مراد علی شاہ اور سینیٹر نثار کھوڑو شامل تھے تفصیلات کے مطابق وزیراعظم شہبازشریف سے پاکستان پیپلز پارٹی کی اعلیٰ قیادت نے ملاقات کی اورملکی سیاسی صورتحال پرتبادلہ خیال کیا ۔پاکستان پیپلز پارٹی کے وفد میں وفاقی وزیرِ تجارت سید نوید قمر، وفاقی وزیرِ موسمیاتی تبدیلی شیری رحمن، وفاقی وزیرِ آبی وسائل سید خورشید شاہ، وزیرِ اعظم کے مشیر برائے کشمیر و گلگت بلتستان امور قمر الزمان کائرہ، وزیرِاعلیٰ سندھ سید مراد علی شاہ اور سینیٹر نثار کھوڑو شامل تھے، وزیرِ خزانہ اسحاق ڈاراوروفاقی وزیرِ منصوبہ بندی احسن اقبال بھی موجود تھے۔پیپلزپارٹی کے وفد نے معاشی مشکلات کے باوجود بجٹ میں عوامی فلاح کیلئے اٹھائے گئے اقدامات پر وزیرِ اعظم کو خراجِ تحسین پیش کیا۔اس دوران ملکی سیاسی صورتحال پر تبادلہ خیال کیا گیا۔ خیال رہے کہ پیپلزپارٹی کے چیئرمین اور وزیرخارجہ بلاول بھٹوزرداری نے آج وزیراعظم سےخود ملاقات کرنا تھی۔